Archifau Categori: Newyddion

Gall gwir gyfeillgarwch deithio’r byd

Cyhoeddwyd & ffeiliwyd yn Arbennig , Cerdd, Newyddion.

Eisteddfod Ryngwladol yn dathlu Diwrnod Rhyngwladol Cyfeillgarwch

Eleni ar Ddiwrnod Rhyngwladol Cyfeillgarwch, mae Eisteddfod Gerddorol Ryngwladol Llangollen yn anrhydeddu perthnasau sydd wedi eu creu dros 70 mlynedd ers sefydlu’r ŵyl – gan bwysleisio pwysigrwydd cyfeillgarwch yr 800 o wirfoddolwyr sy’n cefnogi’r wythnos o weithgareddau. Bob blwyddyn, mae tref wledig Llangollen yn byrlymu gyda cherddoriaeth, chwedloniaeth a dawns, gan groesawu hyd at 50,000 o ymwelwyr a 4,000 o berfformwyr o bedwar ban byd.

Bwriad Diwrnod Rhyngwladol Cyfeillgarwch (30ain Gorffennaf), a sefydlwyd gan y Cenhedloedd Unedig, yw annog mwy o bobl i greu a dathlu cyfeillgarwch. Yn y pen draw, y gobaith yw lleihau’r siawns o anghyfiawnder, rhyfel, tlodi a llawer mwy.

(rhagor…)

Côr Prifysgol Genedlaethol Singapore yn Cipio Teitl Côr y Byd

Cyhoeddwyd & ffeiliwyd yn Arbennig , Cerdd, Newyddion.

Eisteddfod Ryngwladol 2018 yn dod i ben gyda brwydr gyffrous am deitlau mawreddog ‘Côr y Byd’ ac ‘Enillwyr Dawns y Byd’ – a pherfformiad Baroc ysgythrog gan y gwestai arbennig, Red Priest.

Daeth Eisteddfod Ryngwladol Gerddorol Llangollen 2018 [DYDD SADWRN 7 GORFFENNAF] i benllanw cyffrous, wrth i ddau o grwpiau rhyngwladol ennill yr anrhydeddau mwyaf o gystadlaethau dawns a chorawl yr ŵyl.

Yn dilyn rownd derfynol wefreiddiol, cafodd Côr Prifysgol Genedlaethol Singapore o Singapore eu henwi’n Gôr y Byd, tra cafodd grŵp dawns Al-lzhar High School Pondok Labu o Indonesia eu coroni’n Enillwyr Dawns y Byd.

(rhagor…)

Arian Teleheal a Sara Rowbotham yw enillwyr Gwobr Heddwch y Rotary

Cyhoeddwyd & ffeiliwyd yn Arbennig , Cerdd, Newyddion.

Arian Teleheal sy’n ennill y wobr ryngwladol tra bod y wobr genedlaethol yn cael ei chyflwyno i Sara Rowbotham am ei gwaith arbennig gyda Thîm Argyfwng Rochdale a’r GIG

Elusen sy’n gweithio gyda meddygon gwirfoddol o Brydain a’r UDA i gynghori cyd-weithwyr mewn ardaloedd rhyfelgar a gwledydd tlawd, gan ddefnyddio’r cyfryngau cymdeithasol, sydd wedi ennill Gwobr Heddwch Ryngwladol y Rotary.

Cafodd y wobr, sy’n cael ei noddi gan Typhoo Tea, ei chyflwyno i Dr Waheed Arian ac elusen Arian Teleheal yn ystod cyngerdd mawreddog y Dathliad Rhyngwladol yn Eisteddfod Gerddorol Ryngwladol Llangollen ar 5ed Gorffennaf.

(rhagor…)

Mared Williams yn ennill teitl Llais Rhyngwladol Theatr Gerddorol 2018

Cyhoeddwyd & ffeiliwyd yn Arbennig , Cerdd, Newyddion.

Perfformiwr o Gymru yn cipio teitl mawreddog a gwobr cyfle unwaith mewn oes i ganu yn Eisteddfod y Traeth Aur yn Awstralia

Mae perfformiwr o Gymru wedi ennill teitl Llais Rhyngwladol Theatr Gerddorol Eisteddfod Gerddorol Ryngwladol Llangollen ar gyfer 2018.

 Llwyddodd Mared Williams, 21 mlwydd oed, i syfrdanu cynulleidfaoedd a’r beirniad gyda’i pherfformiadau o “So Big / So Small”,  “Pulled” o The Addams Family a “Being Alive” ar lwyfan y Pafiliwn Rhyngwladol Brenhinol yn rownd derfynol y gystadleuaeth ddydd Mercher 4 Gorffennaf.

(rhagor…)

Prosiect Cynhwysiad yn Gyrru Neges o Heddwch am y Ddegfed Flwyddyn

Cyhoeddwyd & ffeiliwyd yn Arbennig , Cerdd, Newyddion.

Bu i Eisteddfod Gerddorol Ryngwladol Llangollen ddathlu degawd o’i Phrosiect Cynhwysiad heddiw (dydd Mercher 4ydd Gorffennaf) gyda pherfformiad o waith comisiwn newydd, SEND A Message, ar lwyfan y Pafiliwn Brenhinol Rhyngwladol.

Wedi’i ariannu gan grant hael gan Sefydliad ScottishPower, fe wnaeth y perfformiad gydio yng nghalonnau a dychymyg cynulleidfa’r ŵyl, wrth i bum grŵp o Gymru a Swydd Amwythig ddod at ei gilydd i ddiddanu’r dorf gynhyrfus. (rhagor…)

Alfie Boe yn Serennu ar Noson Agoriadol Eisteddfod Ryngwladol

Cyhoeddwyd & ffeiliwyd yn Arbennig , Cerdd, Newyddion.

Cafwyd agoriad rhagorol i Eisteddfod Gerddorol Ryngwladol Llangollen 2018 neithiwr [nos Fawrth 3ydd Gorffennaf], wrth i’r tenor poblogaidd Alfie Boe feddiannu llwyfan y pafiliwn.

Yn adnabyddus fel ‘hoff denor Prydain’ cafodd yr artist recordio hynod lwyddiannus, a’r seren West End a Broadway gwmni ei ensemble o gerddorion gwych, wrth iddo berfformio rhai o’i ganeuon newydd a’i ganeuon mwyaf hoffus i dŷ llawn.

Agorodd Boe y sioe gyda datganiad pwerus o ‘Sing, Sing, Sing’ o’i albwm newydd gan ddilyn gyda ‘Pencil Full of Lead’.

(rhagor…)

‘Pantosaurus’ a’r NSPCC yn ymweld ag Eisteddfod Llangollen i helpu cadw plant yn ddiogel

Cyhoeddwyd & ffeiliwyd yn Arbennig , Cerdd, Newyddion.

Fe gafodd cannoedd o blant ysgol gyfle i weld perfformiad cerddorol unigryw yn Eisteddfod Gerddorol Ryngwladol Llangollen eleni, gan hefyd ddysgu sut i ddiogelu eu hunain.

Camodd masgot yr elusen blant blaenllaw NSPCC, y deinosor ‘Pantosaurus’, ar y prif lwyfan ddydd Mawrth (3ydd Gorffennaf) i hyrwyddo ymgyrch ‘PANTS’ i ddisgyblion o tua 45 o ysgolion.

Ers lansio pedair blynedd yn ôl, mae’r ymgyrch wedi galluogi mwy na 400,000 o rieni ledled Prydain i drafod camdriniaeth rywiol gyda’u plant. Pwrpas PANTS yw dysgu plant bod eu corff yn eiddo iddyn nhw, bod ganddyn nhw’r hawl i ddweud ‘na’ ac i beidio bod ag ofn dweud wrth rywun maen nhw’n ymddiried ynddynt os ydyn nhw’n poeni am rywbeth.

(rhagor…)

Llangollen i fod yn rhan o ‘NHS Singalong Live’

Cyhoeddwyd & ffeiliwyd yn Arbennig , Cerdd, Newyddion.

Fe fydd Eisteddfod Gerddorol Ryngwladol Llangollen yn ymuno a chôr a staff o’r gwasanaeth iechyd, ynghyd a sêr cerddorol ledled Prydain i gyd-ganu mewn digwyddiad byw i ddathlu 70 mlynedd o’r GIG.

Mewn rhaglen newydd unigryw ar sianel ITV ddydd Mercher 4ydd Gorffennaf, bydd y dorf yn Llangollen, côr y GIG a’r enwogion yn uno i geisio torri’r record am y sesiwn cyd-ganu byw mwyaf erioed i gael ei ddarlledu. Bydd y digwyddiad yn ddiweddglo i gyngerdd y Casgliad Cerddorol.

(rhagor…)

Plant Ysgol Dinas Brân i Gyflwyno Neges o Heddwch

Cyhoeddwyd & ffeiliwyd yn Arbennig , Cerdd, Newyddion.

Mae Eisteddfod Gerddorol Ryngwladol Llangollen wedi gwahodd ysgol uwchradd leol Ysgol Dinas Bran i fod yn rhan o fenter heddwch yn yr ŵyl eleni.

Gan berfformio ar lwyfan y Pafiliwn Brenhinol nos Iau 5ed Gorffennaf, fe fydd y disgyblion yn cyflwyno neges heddwch yr Eisteddfod Ryngwladol drwy gyfuniad o feim a chyflwyniad llafar, ynghyd a chân o’r enw ‘Heddwch O’r Diwedd’.

(rhagor…)