Archifau Categori: Newyddion

Anrhydeddu chwaer John Lennon fel Llywydd y Dydd cyntaf Llanfest

Cyhoeddwyd & ffeiliwyd yn Arbennig , Cerdd, Newyddion.

Julia Baird, chwaer John Lennon, fydd y person cyntaf erioed i gael ei anrhydeddu fel Llywydd y Dydd Llanfest, diweddglo yr Eisteddfod Ryngwladol.

Mae traddodiad hir o anrhydeddu Llywyddion y Dydd dros wythnos yr Eisteddfod. Estynnir gwahodd i’r llywyddion yn dilyn eu gwaith cyfredol o ledaenu neges heddwch ac ewyllys da – neges sydd wrth galon yr ŵyl.

Cynhelir Llanfest ar ddydd Sul olaf yr ŵyl ac mae’n ddigwyddiad sydd wedi datblygu i fod yn gymysgedd fodern o fandiau roc, pop ac indie, gydag ymddangosiadau gan enwogion fel y Manic Street Preachers a’r prif atyniad eleni, Kaiser Chiefs. (rhagor…)

Eisteddfod Llangollen yn Anfon Neges Heddwch i Bawb

Cyhoeddwyd & ffeiliwyd yn Arbennig , Cerdd, Newyddion.

Mae Eisteddfod Llangollen yn dathlu deng mlynedd o’i Brosiect Cynhwysiad drwy gomisiynu darn perfformio newydd sbon, SEND A Message, ar ddydd Mercher 4ydd Gorffennaf.

Mae’r prosiect cwbl gynhwysol, sy’n hyrwyddo harmoni a hygyrchedd i bawb yn y celfyddydau perfformio, yn dathlu ei ddegfed blwyddyn gyda darn perfformio a ysgrifenwyd gan y bardd Aled Lewis Evans a’r cyfansoddwr Owain Llwyd.

Yn cael ei berfformio gan blant o Ysgol St Christopher yn Wrecsam, Ysgol Tir Morfa yn Rhyl, Ysgol Plas Brondyffryn yn Sir Ddinbych, unigolion o Goleg Derwen yng Nghroesoswallt a Chôr Rhanbarthol Theatretrain yn y Wyddgrug, mae SEND A Message yn hyrwyddo’r syniad o ledaenu cariad a heddwch drwy gerddoriaeth, cân a dawns ac yn arddangos amrywiaeth eang o dalent o ledled Cymru.

(rhagor…)

Datgelu rhaglen lawn Llanfest

Cyhoeddwyd & ffeiliwyd yn Arbennig , Cerdd, Newyddion.

Mae Eisteddfod Gerddorol Ryngwladol Llangollen wedi datgelu enwau’r holl artistiaid cyffrous fydd yn diddanu ar lwyfannau awyr agored Llanfest eleni (dydd Sul 8fed Gorffennaf, 2yh).

Y grŵp indie-pop Saesneg enwog, Kaiser Chiefs sydd ar frig y rhestr gyda’r band pop-roc, Hoosiers a’r grŵp eiconig o’r 90au, Toploader yn eu cefnogi.

Dros y blynyddoedd, mae Llanfest wedi ennill ei le fel un o’r gwyliau cerdd gorau i glywed bandiau newydd ar y llwyfannau allanol, cyn i’r prif fandiau chwarae yn ddiweddarach. Eleni, fe fydd ymwelwyr yn cael mwynhau tri llwyfan allanol – bob un yn arddangos talentau o’r byd roc, pop ac indie, gan gynnwys:

(rhagor…)

Trefniadau Eisteddfod Ryngwladol yn dwyn ffrwyth

Cyhoeddwyd & ffeiliwyd yn Arbennig , Cerdd, Newyddion.

Cafodd cefn gwlad Cymru ei lenwi gyda cherddoriaeth yr wythnos diwethaf, pan wnaeth aelodau Côr Meibion Froncysyllte arddangos eu techneg lleisiol wrth hedfan trwy’r awyr ar siglen bum sedd fwyaf Ewrop.

Gan gyrraedd uchderau o hyd at 80 troedfedd, roedd yr aelodau rhwng 60-80 oed yn wynebu her anarferol wrth iddyn nhw orfod dal eu nodau, yn hytrach na’u gwynt, wrth baratoi at ganu dan bwysau yn yr Eisteddfod Ryngwladol eleni.

(rhagor…)

Detholiad o grwpiau llais a dawns yn dathlu amlddiwylliant Eisteddfod Ryngwladol

Cyhoeddwyd & ffeiliwyd yn Arbennig , Cerdd, Newyddion.

 

 

 

Bydd miloedd o berfformwyr o 28 gwlad a chwe chyfandir yn llenwi Dyffryn Dyfrdwy gyda dawns a chan yr haf hwn, wrth iddyn nhw ddiddanu yn Eisteddfod Gerddorol Ryngwladol Llangollen ym mis Gorffennaf.

Yn dilyn proses ddethol gynnil, lle’r oedd cannoedd o ymgeiswyr dan ystyriaeth, mae tîm yr Eisteddfod Ryngwladol wedi llunio rhaglen o 84 grŵp rhyngwladol, egnïol ac amrywiol – gan estyn gwahoddiad iddyn nhw berfformio mewn cystadlaethau neu ddigwyddiadau yn yr ŵyl eleni.

Gyda thocynnau ar gyfer gŵyl 2018 (3ydd – 8fed Gorffennaf) yn gwerthu’n gyflym, mae Eisteddfod Gerddorol Ryngwladol Llangollen wedi datgelu 16 o grwpiau cyffrous fydd yn perfformio ar lwyfan eiconig y Pafiliwn Brenhinol Rhyngwladol yr haf yma.

(rhagor…)

Y Cavern Club yn cydweithio gydag Eisteddfod Ryngwladol

Cyhoeddwyd & ffeiliwyd yn Arbennig , Cerdd, Newyddion.

Cyhoeddodd Eisteddfod Gerddorol Ryngwladol Llangollen heddiw y bydd clwb cerddoriaeth enwocaf y byd, The Cavern Club, yn cynnal llwyfan pop-yp am y tro cyntaf erioed yn yr ŵyl eleni. Fe fydd artistiaid o’r clwb yn Lerpwl yn ymuno hefo’r Kaiser Chiefs ym mharti olaf yr ŵyl, Llanfest, ar ddydd Sul 8fed Gorffennaf – union 50 mlynedd ers rhyddhau ffilm cartŵn y Beatles, Yellow Submarine.

Bydd y cydweithrediad cyffrous hwn yn gweld cerddorion preswyl The Cavern Club yn diddanu cynulleidfaoedd Llangollen gyda pherfformiadau ar Lwyfan Glôb Lindop Toyota.

Mae’r clwb eiconig wedi bod wrth galon sîn gerddoriaeth Lerpwl am dros saith degawd ac mae’n bwriadu dathlu hanes cerddoriaeth The Beatles yn yr ŵyl, trwy drefnu amryw o berfformiadau gan gantorion profiadol o Lerpwl.

(rhagor…)

Eisteddfod Ryngwladol yn dathlu Diwrnod y Piano trwy gyhoeddi manylion am berfformiad i ddau biano

Cyhoeddwyd & ffeiliwyd yn Arbennig , Cerdd, Newyddion.

I ddathlu Diwrnod Rhyngwladol y Piano [dydd Iau 29 Mawrth] mae Eisteddfod Gerddorol Ryngwladol Llangollen wedi cyhoeddi rhaglen ar gyfer perfformiad hir ddisgwyliedig ei Chyfarwyddwr Cerdd, Vicky Yannoula, â’r pianydd Peter Jablonski.

Gan ffurfio rhan o’r Casgliad Clasurol ar ddydd Mercher 4ydd Gorffennaf, fe fydd y pianyddion Vicky a Peter yn camu ar lwyfan y Pafiliwn Rhyngwladol i berfformio gweithiau enwog a theimladwy sydd wedi ei hysbrydoli gan bŵer cyfareddol y piano.

(rhagor…)

Cyhoeddi Noddwr Llanfest Wrth i Docynnau Fynd Ar Werth i’r Cyhoedd

Cyhoeddwyd & ffeiliwyd yn Arbennig , Cerdd, Newyddion.

Mae cwmni adeiladu o Wrecsam, Knights Construction Group, wedi rhoi ei gefnogaeth i Eisteddfod Gerddorol Ryngwladol Llangollen trwy noddi’r ŵyl boblogaidd Llanfest, a gynhelir ar ddydd Sul 8fed Gorffennaf 2018.

Daw’r cyhoeddiad wrth i docynnau ar gyfer y noson fawreddog gyda’r Kaiser Chiefs, The Hoosiers a Toploader fynd ar werth i’r cyhoedd ar ddydd Iau 22ain Mawrth 2018.

(rhagor…)

Eisteddfod Ryngwladol yn dathlu Diwrnod Rhyngwladol y Merched 2018

Cyhoeddwyd & ffeiliwyd yn Arbennig , Cerdd, Newyddion.

A hithau’n Ddiwrnod Rhyngwladol y Merched, mae Eisteddfod Llangollen yn dathlu cyraeddiadau merched ledled y byd ar lwyfan rhyngwladol – yn llythrennol ac yn ffigurol.

Mae’r Eisteddfod Ryngwladol yn adnabyddus ledled y byd am hyrwyddo neges o undod a heddwch. Ar ben hynny, mae’n gefnogwr brwd o gyfartaledd a chydraddoldeb rhyw gyda hynny’n cael ei arddangos trwy gydol yr ŵyl wythnos o hyd ym mis Gorffennaf.

(rhagor…)

Y Kaiser Chiefs i godi’r to yn Llanfest 2018

Cyhoeddwyd & ffeiliwyd yn Arbennig , Cerdd, Newyddion.

Mae’r band indie pop eiconig Kaiser Chiefs wedi cyhoeddi mai nhw fydd yn cloi gŵyl Llanfest eleni, sef dathliad olaf Eisteddfod Gerddorol Ryngwladol Llangollen 2018 ar ddydd Sul 8fed Gorffennaf yn Llangollen, Gogledd Cymru.

Dyma fydd ymddangosiad cyntaf y band yng Nghymru ers bron i ddwy flynedd ac un o’r cyfleoedd cyntaf i gefnogwyr yn y rhanbarth eu gweld yn fyw yn 2018.

Yn ymuno â’r pumawd o Leeds – a brofodd lwyddiant ysgubol gyda chlasuron fel Ruby, Oh My God ac I Predict a Riot o’r albwm Employment – mae’r band pop-roc The Hoosiers a Toploader, un o fandiau fwyaf disglair y nawdegau.

(rhagor…)