Miloedd yn ymddangos i gefnogi gorymdaith fwyaf a gorau’r Eisteddfod ers blynyddoedd

Heidiodd miloedd i strydoedd heulog tref dwristaidd enwog yn Sir Ddinbych i gefnogi gorymdaith fwyaf Eisteddfod Gerddorol Ryngwladol Llangollen ers blynyddoedd.

Cafodd yr orymdaith ei chynnal ar ddydd Gwener yr ŵyl am y tro cyntaf er mwyn rhoi cyfle i fwy o gystadleuwyr sy’n cyrraedd o bob cwr o’r byd i ymuno â’r orymdaith liwgar a welodd gynrychiolwyr o bedwar ban byd yn gorymdeithio trwy ganol Llangollen i gyfeiliant bloeddio a chymeradwyaeth mawr gan y nifer uchaf erioed o wylwyr. (rhagor…)

Gwobr Llais y Dyfodol yn ddiogel wrth i Ffrainc ennill y teitl

Mae gwobr ryngwladol Llais y Dyfodol wedi mynd i Ffrainc.

Am y tro cyntaf ers dechrau’r gystadleuaeth yn Eisteddfod Gerddorol Ryngwladol Llangollen, mae’r fedal ryngwladol wedi gadael Cymru wrth iddi gael ei hennill gan y mezzo soprano Elsa Roux Chamoux, wnaeth synnu’r beirniaid gyda’i pherfformiad. (rhagor…)

Mae Llangollen yn ddigwyddiad diwylliannol eiconig sy’n haeddu cefnogaeth yn ôl Gweinidog

Mae Eisteddfod Ryngwladol Llangollen yn ddigwyddiad diwylliannol eiconig yng Nghymru, sy’n haeddu cefnogaeth gan y Llywodraeth a’r sector preifat, yn ôl cyn-wleidydd a Gweinidog yn y Swyddfa Gymreig.

Dywedodd yr Arglwydd Bourne, Nick Bourne, Arweinydd blaenorol y Ceidwadwyr yng Nghynulliad Cymru ac Is-weinidog presennol yn y Swyddfa Gymreig: “Mae’r Eisteddfod yn hollbwysig i Gymru. Mae’n un o’r eiconau diwylliannol sydd gennym, ochr yn ochr â’r Sioe Frenhinol a’r Eisteddfod Genedlaethol. (rhagor…)

Mae Cymru’n dal i feddwl yn rhyngwladol er gwaethaf Brexit, meddai Ysgrifennydd yr Economi yn yr Eisteddfod

Er bod Prydain wedi pleidleisio i adael Ewrop, mae Cymru’n parhau i fod yn wlad groesawus a chydwladol.

Dyna’r neges oddi wrth Ken Skates AC, sydd wedi ei benodi’n ddiweddar gan Lywodraeth Cymru fel Ysgrifennydd y Cabinet dros yr Economi a’r Seilwaith. Roedd ar ymweliad ag Eisteddfod Gerddorol Ryngwladol Llangollen ddoe (dydd Iau). (rhagor…)

Llawer o hwyl mewn gornest operatig

Llwyfannodd dau o fawrion y byd opera ornest hynod ddiddan ym Mhafiliwn Rhyngwladol Brenhinol Llangollen ac roedd y tŷ bron dan ei sang wrth eu bodd o’r dechrau i’r diwedd.

Cafodd prif seren canu Cymru, Bryn Terfel, ei gyplysu gyda’r tenor o Malta, Joseph Calleja a chreodd y cyfuniad o’r ddau ar y cyd â grym nerthol cerddorfa’r sinffonia Gymreig noson i’w chofio. (rhagor…)

Teitl côr y plant yn mynd i Indonesia

Roedd baner Indonesia’n chwifio’n uchel uwchben Llangollen ar ôl i Gôr Ieuenctid Pangudi Luhur gael eu coroni’n Gôr Plant y Byd yn yr Eisteddfod Ryngwladol.

Roedd llywydd yr Eisteddfod, Terry Waite CBE, wrth law i gyflwyno’r tlws rhyngwladol i arweinydd y côr, Sonia Nadya Simanjuntak, y cafodd hithau hefyd ei choroni’n arweinydd mwyaf ysbrydoledig y gystadleuaeth.

Dywedodd Eilir Owen Griffiths, cyfarwyddwr cerdd yr Eisteddfod: “Roedd y safon yn eithriadol o uchel ond cafodd Côr Ieuenctid Pangudi Luhur sgôr uchel ar draws pob cystadleuaeth ac maen nhw’n llawn haeddu eu llwyddiant.

“Ac mae Sonia’n arweinydd gyda chymhelliant a brwdfrydedd a fydd yn sicrhau bod y côr yn mynd o nerth i nerth. Rwy’n gobeithio y gallwn eu croesawu nhw’n ôl i Ogledd Cymru yn 2017.”

Gohebydd rhyfel profiadol yn dweud bod gŵyl yn cynnig gobaith mewn byd tywyll

Mae Eisteddfod Gerddorol Ryngwladol Llangollen yn taflu golau disglair gobeithiol yn erbyn tywyllwch yr oes hon.

Dyma oedd neges allweddol Martin Bell OBE, gohebydd rhyfel profiadol a chyn-wleidydd, yn ei araith o’r prif lwyfan fel un o Arlywyddion y Dydd yn yr ŵyl.

Daeth Mr Bell yn enwog fel y Dyn yn y Siwt Wen am ei fod yn arfer gwisgo felly, a bu’n sôn am ei bryderon am effaith y bleidlais i adael yr Undeb Ewropeaidd yn ddiweddar yn y refferendwm ym Mhrydain. (rhagor…)

Cystadleuaeth C2 Dawns Werin â Choreograffi / wedi`i Steilio

Trefn Ilwyfan Enw Gwlad Cyfanswm Safle
5 Gabhru Panjab De India 85.3 1af
1 Gema Citra Nusantara Indonesia 84.7 2il
2 Perree Bane Isle of Man 80.7 3ydd
4 Mother Touch Dance Group Zimbabwe 76.7 4ydd
3 AICHUROK Kyrgystan 76.3 5ed