Archifau Categori: Cerdd

Enillydd Llangollen i gael gwahoddiad i Arfordir Aur Awstralia

Cyhoeddwyd & ffeiliwyd yn Arbennig , Cerdd, Newyddion.

Taith wych 10,000 milltir i un o wyliau diwylliannol mwyaf y byd yw’r wobr i un enillydd lwcus 70ain Eisteddfod Gerddorol Ryngwladol Llangollen yr haf yma.

Bydd enillydd cystadleuaeth Llais Rhyngwladol Theatr Gerdd ym mis Gorffennaf hefyd yn cael taith rhad ac am ddim i ganu yn nigwyddiad Musicale Eisteddfod Arfordir Aur Awstralia ym mis Hydref.

Mae’r gwahoddiad yn dilyn ymweliad ag Eisteddfod y llynedd gan gynrychiolwyr yr Eisteddfod yr Arfordir Aur, sydd wedi cael ei chynnal yn y ddinas ger traeth trofannol anhygoel Queensland am y 33 mlynedd diwethaf.

Mae’r Musicale yn benllanw saith wythnos o gystadlu gyda thros 70,000 o gantorion a dawnswyr yn cymryd rhan, y rhan fwyaf ohonynt o dan 20 oed, ac mae’n cynnwys 350 o fandiau a cherddorfeydd, 175 o gorau, bron i 1500 o grwpiau dawns a thros 3,000 o ddawnswyr unigol. (rhagor…)

Kerry brenhines y gân yn anelu am Langollen

Cyhoeddwyd & ffeiliwyd yn Arbennig , Cerdd, Newyddion.

Yr haf yma bydd y gantores sydd wedi cael ei galw yn Frenhines y West End yn anelu am Eisteddfod Gerddorol Ryngwladol Llangollen.

Mae trefnwyr yr ŵyl eiconig wedi llwyddo i ddenu Kerry Ellis i berfformio yn yr Eisteddfod Ryngwladol. Mae Kerry wedi ymddangos mewn rhai o brif sioeau cerdd y West End yn Llundain a Broadway yn Efrog Newydd ac mae wedi cydweithio sawl tro gyda gitarydd enwog Queen Brian May.

Kerry fydd un o’r prif artistiaid yng nghyngerdd Lleisiau Theatr Gerdd ar ddydd Mercher, Gorffennaf 6, pryd y bydd hi’n rhannu’r llwyfan gydag enillwyr Britain’s Got Talent, Collabro, y band bechgyn canu clasurol a theatr gerdd.

(rhagor…)

Y côr cyntaf erioed i ganu yn Llangollen yn paratoi ar gyfer ymweliad hanesyddol

Cyhoeddwyd & ffeiliwyd yn Arbennig , Cerdd, Newyddion.

Mae’r côr cyntaf erioed i ganu yn Eisteddfod Ryngwladol Llangollen yn bwriadu gwneud ymweliad hanesyddol â’r ŵyl wrth iddi ddathlu ei 70ain Eisteddfod.

Dros y blynyddoedd mae Côr Meibion ​​Colne Valley, o ardal Huddersfield yn Lloegr, wedi cipio chwe gwobr gyntaf yn yr ŵyl hanesyddol, yn ogystal â phump ail wobr a dwy drydedd gwobr – er na chawson nhw lwyddiant yn ôl yn 1947.

Y côr 70 aelod, a sefydlwyd yn Slaithwaite yn 1922, oedd y cyntaf i gamu ar lwyfan yr Eisteddfod yn 1947 gan gystadlu yn erbyn y côr buddugol o Hwngari, a chorau o Sbaen, yr Eidal, Denmarc a’r Iseldiroedd yn ogystal â Chymru a Lloegr.

(rhagor…)

Ymddangos yn Llangollen yn “gwireddu breuddwyd” tenor poblogaidd

Cyhoeddwyd & ffeiliwyd yn Arbennig , Cerdd, Newyddion.

Bydd y tenor enwog Joseph Calleja yn gwireddu uchelgais y bu ganddo ers tro pan fydd yn ymddangos yn Eisteddfod Gerddorol Ryngwladol Llangollen.

Nid yn unig y bydd yn dilyn ôl traed ei arwr, Luciano Pavarotti, ond bydd y canwr o Malta hefyd yn ymddangos gydag un o’i ffrindiau pennaf, y bas bariton byd enwog, Bryn Terfel.

Bydd Joseph a Bryn yn camu ar y llwyfan gyda’i gilydd ar gyfer y Cyngerdd Clasurol Mawreddog fydd yn dynodi’r 70ain Eisteddfod yn Llangollen ers sefydlu’r ŵyl eiconig yn 1947 i hyrwyddo heddwch a chytgord yn y byd. (rhagor…)

Hwb anferth i gystadleuaeth cantorion ifanc gorau’r byd

Cyhoeddwyd & ffeiliwyd yn Arbennig , Cerdd, Newyddion.

Mae cystadleuaeth eiconig i ddod o hyd i gantorion ifanc gorau’r byd wedi cael hwb enfawr gan sefydliad gofal arloesol.

Mae Parc Pendine wedi cytuno i fwy na threblu’r wobr ariannol fydd ar gael i’w hennill yng nghystadleuaeth fawreddog Llais y Dyfodol yn Eisteddfod Gerddorol Ryngwladol Llangollen.

Yn ôl Eilir Owen Griffiths, Cyfarwyddwr Cerdd yr ŵyl, bydd cynyddu’r wobr flynyddol i £5,000 o 2017 ymlaen, yn “codi’r gystadleuaeth i lefel hollol newydd”.

Meddai: “Mae’r rhodd yma’n gyfraniad gwirioneddol nodedig a fydd yn arwain at ymchwydd mawr yn y diddordeb am ddoniau lleisiol newydd.

“Mae’r amseriad yn arbennig o briodol gan y byddwn yn dathlu ein 70ain gŵyl yn 2017 ac yn edrych ymlaen at ddyfodol fydd hyd yn oed yn fwy disglair.”

(rhagor…)

Mab sylfaenydd Eisteddfod Llangollen yn cofio dyddiau cynnar cyffrous yr ŵyl

Cyhoeddwyd & ffeiliwyd yn Arbennig , Cerdd, Newyddion.

Bydd mab y gŵr a sefydlodd Eisteddfod Gerddorol Ryngwladol Llangollen yn ŵr gwadd yn ystod y 70ain ŵyl fis Gorffennaf yma.

Mae Peter Tudor, sydd nawr yn 84 oed, yn cofio sut y bu i’w dad, y newyddiadurwr Cymraeg nodedig Harold Tudor, feddwl am y syniad o ddigwyddiad diwylliannol mawr er mwyn helpu i leddfu creithiau’r Ail Ryfel Byd.

Mae gan Peter gof byw o’r cynnwrf wrth i gystadleuwyr o ledled Ewrop ddechrau ymgasglu ar gyfer yr ŵyl gyntaf yn y pentref bychan yn Sir Ddinbych yn ystod haf 1947.

(rhagor…)

Bryn Terfel ac un o brif denoriaid y byd ar lwyfan gyda’i gilydd yng nghyngerdd gala Llangollen

Cyhoeddwyd & ffeiliwyd yn Arbennig , Cerdd, Newyddion.

Mae’r seren opera enwog Bryn Terfel, yn bwriadu dathlu 70fed Eisteddfod Gerddorol Ryngwladol Llangollen mewn steil – drwy rannu’r llwyfan gyda chyfaill da iddo sydd hefyd yn denor rhyngwladol o fri.
Bydd y bas-bariton poblogaidd Bryn Terfel CBE, yn serennu yng nghyngerdd nos Iau, 7 Gorffennaf, ac yn ymddangos ar y llwyfan gydag ef fydd y canwr opera o Malta, yr hynod dalentog Joseph Calleja, y mae ei lais wedi cael ei gymharu â’r chwedlonol Caruso. (rhagor…)

Y chwedlonol bwgi wwgi Jools Holland yn dychwelyd i ddathlu braint yr ŵyl

Cyhoeddwyd & ffeiliwyd yn Arbennig , Cerdd, Newyddion.

Bydd y chwedlonol bwgi wwgi Jools Holland yn dod yn ôl i Eisteddfod Gerddorol Ryngwladol Llangollen i ddathlu dod yn is-lywydd yr ŵyl eiconig.

Yn gyn bianydd Squeeze, arweinydd band, awdur, cyflwynydd teledu a radio, mae wrth ei fodd cael cynnig y swydd er anrhydedd yn ‘y digwyddiad gwbl ddisglair’.

Bydd Jools a’i Gerddorfa Rhythm & Blues yn cau’r llen ar yr Eisteddfod 70 oed yr haf nesaf gyda pharti codi’r to ddydd Sul, 10 Gorffennaf.

(rhagor…)