Mae myfyriwr o Heswall wedi cipio un o\u2019r prif wobrau yn Eisteddfod Gerddorol Ryngwladol Llangollen.
\nLlwyddodd Gillian Blair, 24 oed, sy\u2019n astudio cerddoriaeth yn y Royal Northern College of Music Cerdd ym Manceinion, i ddod i\u2019r brig mewn cystadleuaeth safonol a chipio teitl y Cerddor Ifanc Rhyngwladol am y tro cyntaf erioed, ynghyd \u00e2 gwobr ariannol o \u00a31,500 a\u2019r fedal ryngwladol.
\nFel rhan o\u2019i rhaglen mi wnaeth y sacsoffonydd, sy\u2019n ferch i Stephen Blair, llawfeddyg fasgwlaidd o Gilgwri sydd wedi ei leoli yn Ysbyty Spire Murrayfield a\u2019r therapydd Christine Blair, chwarae nifer o ddawnsfeydd gwerin o Rwmania ar y soprano sacsoffon cyn diweddu gyda sonata gan Robert Muczynaski.
\nWrth siarad ar \u00f4l casglu ei gwobr ariannol, dywedodd Gillian y bydd yn defnyddio\u2019 arian i gomisiynu cerddoriaeth sacsoffon er mwyn gallu cynhyrchu albwm, gan ychwanegu: \u201cRwyf wrth fy modd o fod wedi ennill cystadleuaeth galed. Roedd y safon yn rhagorol ac eto i gyd roedd y cystadleuwyr eraill yn gyfeillgar ac roedd pawb yn hynod groesawgar.
\n\u201cMae\u2019n golygu llawer i ennill cystadleuaeth mor nodedig ac mae fy rhieni yn falch iawn drosof. Ar hyn o bryd rwy\u2019n astudio a byw ym Manceinion wrth i mi gwblhau fy ngradd Meistr mewn cerddoriaeth.\u201d
\nDywedodd Eilir Owen Griffiths, Cyfarwyddwr Cerdd yr Eisteddfod: \u201cMae\u2019n wych gweld sacsoffonydd yn ennill y gystadleuaeth yma, mae\u2019n offeryn arbennig. Roedd gennym tua 20 o ymgeiswyr ac roeddwn i\u2019n meddwl fod y safon yn rhagorol a Gemma yn iawn, iawn.
\n\u201cRydym yn awr yn awyddus i adeiladu ar lwyddiant eleni a datblygu\u2019r gystadleuaeth hon yn un bwysig ar gyfer cerddorion ifanc ar y gylchdaith gystadleuol.\u201d
\nDywed y cyn-ddisgybl o Ysgol Ramadeg West Kirby iddi ddechrau chwarae\u2019r sacsoffon yn naw oed a syrthio mewn cariad \u00e2\u2019r offeryn.
\nDywedodd: \u201cFy uchelgais yn awr yw gorffen fy ngradd Meistr ac yna gweithio fel cerddor llawrydd gyda cherddorfeydd a hefyd addysgu\u2019r sacsoffon i eraill.\u201d
\n<\/p>","protected":false},"excerpt":{"rendered":"