Sioe fyw arloesol yn cynnwys Phil Daniels, Saffron (Republica), Gary Stringer (Reef), cerddorfa lawn, band byw a lleiswyr
Ar ôl perfformiad cyntaf byd-eang ysblennydd a ddaeth â Gŵyl Fawr yr haf hwn i ben o flaen mwy na 20,000 o gefnogwyr, bydd Clasur Britpop Alex James yn mynd ar ei daith gyntaf erioed yn y D.U. y flwyddyn nesaf gan gynnwys dyddiad yn Llangollen.
Gan ddod â chaneuon mwyaf oes Britpop yn fyw gyda cherddorfa lawn fyw , bydd y profiad byw unigryw hwn yn brif berfformiad TK Max yn Cyflwyno Fyw ym Mhafiliwn Llangollen ddydd Sul Mehefin 28. 
Gall Cyfeillion Eisteddfod Gerddorol Ryngwaldol Llangollen gael tocynnau nawr drwy llangollen.net a bydd tocynnau ar werth cyffredinol am hanner dydd ddydd Gwener.
Wedi’i chreu a’i pherfformio gan fasydd Blur a sylfaenwr Big Feastival, Alex James, mae’r sioe’n cymryd y caneuon gorau o oes aur cerddoriaeth Brydeinig: alawon clasurol o Blur, Oasis a Pulp i Supergrass a The Verve ac yn eu perfformio mewn fformat symffonig pwerus gyda band byw, a lleiswyr gwadd gyda Cherddorfa Gyngerdd Llundain a Cherddorfa Gyngerdd Ffilharmonig Frenhinol.
Yn ymuno â James ar y llwyfan bydd rhestr westai o sêr gan gynnwys Phil Daniels, Saffron o Republica, a Gary Stringer o Reef, gyda mwy o enwau i’w cyhoeddi’n fuan.
Dywedodd Alex James: “Rhywsut mae’r holl ganeuon hyn yn golygu mwy i bobl nawr nag oeddent pan gawsant eu rhyddhau gyntaf. Maent yn atseinio gyda chenhedlaeth fy mhlant hefyd. Gan eu dwyn yn ôl yn fyw gyda cherddorfa symffoni, band gwych, rhai hen ffrindiau a gwesteion arbennig iawn, fe wnaethant chwythu’r to i ffwrdd yn llwyr yn Feastival ac alla i ddim aros i gael y sioe hon ar y ffordd.”
Yn ddathliad o un o gyfnodau mwyaf annwyl cerddoriaeth Brydeinig, mae Britpop CLASUROL yn trawsnewid anthemau cyfarwydd yn rhywbeth ffres, uchelgeisiol ac emosiynol atseiniol – noson bythgofiadwy i gefnogwyr gwreiddiol a chenedlaethau newydd fel ei gilydd.
Cynhyrchir y sioe gan RG Live sydd wedi ymuno â Metropolis Music a Cuffe & Taylor i hyrwyddo’r daith yn y D.U. .
Mae Britpop Clasurol Alex James yn ymuno â Tom Grennan, Billy Ocean, Ibiza Classics Pete Tong a David Gray ymhlith y cyhoeddiadau pennawd cyntaf ar gyfer TK Maxx yn cyflwyno’n Fyw ym Mhafiliwn Llangollen 2026, a gyflwynir fel rhan o bartneriaeth barhaus gydag Eisteddfod Gerddorol Ryngwladol Llangollen a hyrwyddwyr Live Nation Cuffe a Taylor.
Dywedodd Cyfarwyddwr Artistig Eisteddfod Gerddorol Ryngwladol Llangollen, Dave Danford: “Mae Llangollen wastad wedi bod yn lle mae cerddoriaeth yn dod â phobl gyda gilydd mewn ffyrdd ysblennydd, ac mae Alex James yn dod â rhywbeth gwirioneddol arbennig i’n llwyfan.
“Mae Britpop Clasurol yn ddathliad enfawr o’r anthemau a ddiffiniodd genhedlaeth, wedi’u hail-ddychmygu â phŵer a drama cerddorfa lawn. Gyda chaneuon eiconig, caneuon cyd-ganu, ac awyrgylch Llangollen digamsyniol hwnnw, mae’n siŵr o fod yn noson i’w chofio.”
