Gyda dim ond chwe wythnos ar ôl, mae dawnswyr yn cael eu hannog i gyflwyno eu ceisiadau ar gyfer y Cystadlaethau Dawns Unigol, Deuawd a Thriawd yn yr Eisteddfod Gerddorol Ryngwladol Llangollen 2026. Y dyddiad cau ar gyfer ceisiadau yw dydd Sul 22 Chwefror 2026, ac mae diddordeb cryf eisoes yn cael ei ddangos gan ddawnswyr ledled y DU a thramor. 
Cynhelir y cystadlaethau ddydd Sadwrn 11 Gorffennaf 2026 fel rhan o’r Eisteddfod Fyd-enwog Llangollen, sy’n rhedeg o ddydd Mawrth 7 i ddydd Sul 12 Gorffennaf 2026 yn Llangollen, Gogledd-Ddwyrain Cymru. Bydd gŵyl 2026 yn cyflwyno extravaganza dawns go iawn, gan danlinellu ymrwymiad cynyddol yr Eisteddfod i arddangos dawns ochr yn ochr â’i rhaglen gerddoriaeth a diwylliannol sy’n enwog yn rhyngwladol.
Uchafbwynt amlwg ar gyfer 2026 yw’r ehangu dramatig mewn cyfleoedd dawns cystadleuol, gyda chategorïau’n cynyddu o ddim ond pump yn 2025 i bedwar ar ddeg o ddosbarthiadau gwahanol. Mae’r twf digynsail hwn yn agor y drws i unawdwyr, ensembles a grwpiau dawns diwylliannol o bob cwr o’r byd, gan gynnig llwyfan ar gyfer amrywiaeth eithriadol o arddulliau. O gain a manwl gywirdeb bale a pherfformiadau cyfoes i liw, rhythm a bywiogrwydd dawns werin a thraddodiadol, bydd llwyfan yr Eisteddfod yn cynnal mwy o amrywiaeth ac egni nag erioed o’r blaen.
Gall dawnswyr gystadlu fel perfformwyr unigol neu mewn grwpiau deuawd a thriawd, gyda pherfformiadau’n para hyd at dair munud. Croesewir ystod eang o arddulliau, gan gynnwys bale, cyfoes, JASS, masnachol, stryd a neuadd ddawns. Mae cystadlaethau ar agor i ddawnswyr o bob oed, gyda grwpiau oedran yn cael eu defnyddio lle bo angen i gefnogi’r amserlennu.
Gall perfformwyr ddefnyddio naill ai traciau cefndir wedi’u recordio ymlaen llaw neu ddarparu eu cyfeiliant piano eu hunain. Dyfernir medalau rhyngwladol i’r tri chystadleuydd gorau ym mhob categori, ochr yn ochr â bri perfformio ar un o lwyfannau rhyngwladol mwyaf parchus y byd.
Dywedodd Dave Danford, Cyfarwyddwr Artistig Eisteddfod Gerddorol Ryngwladol Llangollen, “Mae Eisteddfod Llangollen wedi bod yn ymwneud â dod â phobl ynghyd trwy gerddoriaeth a pherfformio erioed, ac mae dawns yn chwarae rhan hanfodol yn y weledigaeth honno. Mae ehangu ein cystadlaethau dawns ar gyfer 2026 yn hynod gyffrous ac yn adlewyrchu adborth cryf gan ein cynulleidfaoedd ffyddlon. Mae hefyd yn adlewyrchu ein huchelgais i groesawu mwy o arddulliau, mwy o ddiwylliannau a mwy o berfformwyr i Langollen. Rydym yn edrych ymlaen yn fawr at weld y creadigrwydd a’r angerdd y bydd dawnswyr yn yn dod i’r llwyfan.”
Anogir dawnswyr sy’n dymuno cymryd rhan i beidio ag oedi, gan fod niferoedd y ceisiadau yn gyfyngedig. Gellir dod o hyd i fanylion llawn ar sut i gystadlu yn eisteddfodcompetitions.co.uk/solo-and-duet-trio-dance. Bydd ymgeiswyr llwyddiannus yn cael gwybod erbyn dydd Iau 5 Mawrth 2026. Nid yw’r cyffro’n dod i ben gyda’r cystadlaethau.
Mae cyngherddau gyda’r nos drwy gydol yr wythnos yn gwerthu’n gyflym, gyda chynulleidfaoedd yn awyddus i sicrhau seddi ar gyfer rhestr ysblennydd yn y Pafiliwn Rhyngwladol Brenhinol. Mae uchafbwyntiau’n cynnwys “Uniting Nations: One World” ar ddydd Mawrth 7 Gorffennaf, dathliad pwerus o heddwch ac undod byd-eang dan arweiniad Syr Karl Jenkins; “Global Rhythms: Made in Wales” ar ddydd Mercher 8 Gorffennaf, yn arddangos creadigrwydd bywiog Cymru ochr yn ochr â dylanwadau cerddoriaeth y byd; perfformiad hudolus gan y Prosiect Qawwali Cerddorfaol ar ddydd Iau 9 Gorffennaf. Cyngerdd Unigryw i’r Byd gyda’r eicon cerddoriaeth byd-eang Emeli Sandé a’r Absolute Orchestra ar ddydd Gwener 20 Gorffennaf a noson gyda Michael Ball ar ddydd Sadwrn, 11 Gorffennaf yn cynnwys un o berfformwyr theatr gerdd blaenllaw Prydain. Daw’r wythnos i ben ar ddydd Sul 12 Gorffennaf gyda rownd derfynol Côr y Byd, arddangosfa gyffrous o dalent gorawl orau’r byd.
Mae tocynnau ar gael o Llangollen.net, ac anogir pobl i archebu’n fuan gan fod y galw’n uchel a bod sawl cyngerdd bron â gwerthu allan.
