Wythnos y Gwirfoddolwyr: Karen

Cyhoeddwyd gan marketing

Fel rhan o Wythnos Gwirfoddolwyr, rydym yn cynnwys stori bob diwrnod gan wirfoddolwr, lle maen nhw’n rhannu eu profiadau o Eisteddfod Ryngwladol Llangollen.

Atgofion hoff o Pumla a Numle

Atgof sydd wedi aros gyda ni fel teulu ers nifer o flynyddoedd yw pan ddaeth côr o Port Elizabeth yn Ne Affrica i Langollen.

Ychydig ar ôl diwedd cyfnod Apartheid oedd hi pan ddaeth Côr Cantorion Mathews i’r Eisteddfod gan aros gyda theuluoedd yn ardal Johnstown. Enw’r ddwy wraig a oedd yn aros gyda ni oedd Pumla a Numle. Roedd gan Pumla ferch yr un oed â fy merch Kate – sef tua 7 oed. Roedd yn ddiddorol tu hwnt clywed am eu bywydau yn eu gwlad eu hunain ond digwyddodd y sioc fwyaf pan oedd Numle a mi yn rhannu hyfrydwch blasus bag o sglodion o’r ‘chippy’ efo’n gilydd. Yn sydyn mi ddechreuodd hi grio. Roeddwn i’n meddwl bod rhywbeth mawr o’i le, ond dywedodd Numle mai hwn oedd y tro cyntaf iddi rannu bwyd gyda pherson gwyn a’i bod hi’n hapus iawn. Fy nhro i oedd hi wedyn i ddechrau crio.

Cafwyd ychydig mwy o eiliadau teimladwy yn ystod yr wythnos ond roedd yn amser gwych. Yn y diwedd, aeth y merched adref gyda phob math o bethau da gan gynnwys dau neu dri tedi i ferch Pumla, dim byd crand, ond roedd y dagrau’n llifo.

Ar ddiwedd eu harhosiad, ymgasglodd yr holl deuluoedd lleol i ddweud ffarwel wrth eu ffrindiau newydd. Caniatawyd i Kate fynd ar y bws i ffarwelio â’r bobl eraill yr oedd hi wedi dod i’w hadnabod yn ystod yr wythnos. Dechreuodd y bws ar ei siwrne, a holais pawb ble roedd Kate? A’r funud nesaf roeddwn i’n brasgamu i lawr y ffordd yn ceisio rhedeg ar ôl y bws!

Does ryfedd fod eu hymweliad yn dal i aros yn y cof!

Karen

Karen Price, Gwirfoddolwr
Pwyllgor Cystadleuwyr

 

Oeddech chi’n gwybod fod angen 800 o wirfoddolwyr i lwyfannu Eisteddfod lwyddiannus?

Yn gytûn yn eu hymroddiad i’r ŵyl a’r pethau da y mae’n eu cynrychioli, mae gwirfoddolwyr yn rhoi o’u hamser a’u doniau yn ystod y flwyddyn ac mae llawer yn teithio o bell er mwyn rhoi help llaw yn ystod wythnos yr Eisteddfod. A hoffech chi ymuno â nhw?

Llangollen 2020: Diweddariad am COVID-19

Cyhoeddwyd gan marketing

Yn dilyn cyngor diweddaraf y llywodraeth am y Coronafeirws, rydym wedi gwneud y penderfyniad i ohirio 74ain Eisteddfod Gerddorol Ryngwladol Llangollen ym mis Gorffennaf 2020. Rydym yn awr yn gweithio’n galed gyda’n partneriaid a’n hartistiaid i aildrefnu ar gyfer Llangollen 2021.

(rhagor…)

**Wedi ganslo** (Diweddariad 16/3/20) Eisteddfod Llangollen yn dathlu ‘cyfeillgarwch, cytgord ac ewyllys da’ wrth gynnal ei hail Gymanfa Ganu flynyddol

Cyhoeddwyd gan marketing

DIWEDDARIAD 16/3/20

***Rydym wedi bod yn cadw llygad ar y Coronafeirws (COVID-19) wrth i’r sefyllfa ddatblygu ac wedi dod i’r penderfyniad i ganslo ein Cymanfa Ganu ar 27 Mawrth yn Eglwys Sant Collen. Bydd cwsmeriaid a oedd eisoes wedi prynu tocynnau ar gyfer y Cymanfa Ganu yn cael eu had-dalu.

Byddwn yn parhau i fonitro a chyfathrebu â chi ynghylch ein cynlluniau ar gyfer Llangollen 2020 ym mis Gorffennaf wrth i’r sefyllfa ddatblygu.***

(rhagor…)

Llangollen 2020 yn cyhoeddi première y DU o waith arbennig gyda’r Soprano o Gymru Elin Manahan Thomas a pherfformiad ‘Yn Arbennig i Langollen’ gan Only Men Aloud

Cyhoeddwyd gan marketing

Yr wythnos hon mae Eisteddfod Gerddorol Ryngwladol Llangollen yn datgelu mwy ar ei rhaglen ar gyfer 2020 (7-12 Gorffennaf 2020) fydd yn cynnwys y perfformiad cyntaf yn y DU o Magnificat gan Bobbi Fischer gyda’r unawdydd Elin Manahan Thomas a pherfformiad ‘Yn Arbennig i Langollen’ gan Only Men Aloud.

Dywedodd Cyfarwyddwr Artistig yr Eisteddfod Ryngwladol, Dr Edward-Rhys Harry:
“Mae’n dipyn o bluen yn ein het i gael perfformiad cyntaf y DU o Magnificat gan Bobbi Fischer yn Llangollen 2020 ynghyd â gallu croesawu’r eithriadol Elin Manahan Thomas yn ôl i’r ŵyl. Mae hefyd wedi bod yn bleser gweithio’n agos gydag Only Men Aloud i greu repertoire arbennig yn seiliedig ar ein cenhadaeth sylfaenol o heddwch a chytgord ac mae’n argoeli y bydd yn berfformiad hyfryd ac unigryw gan y côr poblogaidd hwn.”

Mae Asio (dydd Mercher 8 Gorffennaf) yn gweld elfennau cerddorol eclectig o wahanol ddiwylliannau yn eistedd ochr yn ochr â’i gilydd. Bydd rhan gyntaf y noson yn cyflwyno’r perfformiad cyntaf yn y DU o Magnificat, sef gwaith y cyfansoddwr Bobbi Fischer o’r Almaen, lle mae’r gwaith corawl traddodiadol hwn wedi’i asio â rhythm a harmonïau America Ladin gyda Samba, Rhumba, Bossa Nova a Cha Cha.

(rhagor…)

Eisteddfod Llangollen yn Lansio Rhaglen 2020

Cyhoeddwyd gan marketing

Yr wythnos hon, fe fydd Eisteddfod Gerddorol Ryngwladol Llangollen yn cyhoeddi ei raglen ar gyfer 2020 (7-12 Gorffennaf 2020), gan hefyd agor ei system archebu cynnar ar gyfer y Nadolig.

Mae’r dathliad unigryw o heddwch a harmoni rhyngwladol yn dychwelyd am y  74ain tro, gyda pherfformiadau a chystadlaethau dyddiol gan rai o artistiaid a chorau gorau’r byd, cyn dod i ben llanw gyda gwobr fawreddog Côr y Byd.

(rhagor…)

Perfformiwr o Benarth yn Diddanu yn Awstralia

Cyhoeddwyd gan marketing

Cantores Gymraeg, a brofodd fuddugoliaeth yn Llangollen, yn creu argraff  yn Eisteddfod yr Arfordir Aur

Fe wnaeth Jodi Bird, 21, o Benarth, a enillodd gystadleuaeth Llais Rhyngwladol Sioe Gerdd 2019 yn Eisteddfod Gerddorol Ryngwladol Llangollen eleni, hedfan i Awstralia’r wythnos diwethaf i berfformio fel rhan o’i gwobr.

(rhagor…)

Rhys Meirion yn Dychwelyd i Langollen i Gynnal Cyngerdd Nadolig

Cyhoeddwyd gan marketing

Bydd Eisteddfod Gerddorol Ryngwladol Llangollen yn dathlu lansio ei raglen 2020 newydd  gyda chyngerdd Nadolig Rhyngwladol yng nghwmni’r tenor Cymreig Rhys Meirion a’r arweinydd Nic Parry, ar ddydd Sul 15fed Rhagfyr.

(rhagor…)

Llangollen Yn Dechrau Derbyn Ceisiadau Ar Ddiwrnod Heddwch Rhyngwladol

Cyhoeddwyd gan marketing

Gŵyl gerdd, dawns a heddwch yn dathlu trwy lansio ar Ddiwrnod Heddwch Rhyngwladol, 21ain Medi

Mae tros 4,000 o artistiaid dawns, corawl ac offerynnol o bedwar ban byd yn perfformio a chystadlu yn Eisteddfod Gerddorol Ryngwladol Llangollen bob blwyddyn. Yn 2020, fe fydd y gwobrau mwyaf nodedig yn cynnwys Côr Y Byd a Phencampwyr Dawns y Byd, gyda chatgoriau newydd hefyd yn cael eu lansio eleni.

(rhagor…)