Chwilio am sêr canu’r dyfodol

Cyhoeddwyd gan marketing

Mae “soprano ifanc, hynod ddawnus” wedi lansio cystadleuaeth i ddarganfod cantorion ifanc mwyaf talentog yn y byd.

Yn ôl Charlotte Hoather, 24 oed, roedd ennill cystadleuaeth fawreddog Llais Rhyngwladol y Dyfodol Pendine yn Eisteddfod Gerddorol Ryngwladol Llangollen y llynedd wedi agor cyfleoedd newydd iddi ar y llwyfan rhyngwladol.

Dywed y trefnwyr bod ceisiadau i gymryd rhan yn y gystadleuaeth eisoes yn llifo i mewn, gyda gwobr o £5,000 i’r enillydd, ynghyd â siec o £2,000 i’r cystadleuydd yn yr ail safle.

(rhagor…)

Llanfest yn Denu Noddwr Dwbl

Cyhoeddwyd gan marketing

Mae gŵyl Llanfest, sy’n cloi Eisteddfod Gerddorol Ryngwladol Llangollen, wedi sicrhau cefnogaeth ariannol gan ddau fusnes lleol o Wrecsam ar gyfer y digwyddiad hynod boblogaidd ar ddydd Sul Gorffennaf 7fed 2019.

Y cwmni datblygu tai, SG Estates, ynghyd â Wrecsam Lager fydd cyd-noddwyr Llanfest 2019, lle bydd sêr fel The Fratellis, The Coral, The Pigeon Detectives a Dodgy yn ymddangos yr haf yma.

(rhagor…)

The Fratellis a The Coral i godi to Llanfest 2019

Cyhoeddwyd gan marketing

Mae dau fand roc enwog, The Fratellis a The Coral, wedi cyhoeddi mai nhw fydd prif berfformwyr gŵyl Llanfest 2019, sef dathliad olaf Eisteddfod Gerddorol Ryngwladol Llangollen ar ddydd Sul 7fed Gorffennaf yn Llangollen.

Fe fydd y band dylanwadol o Gilgwri, The Coral, wnaeth gyhoeddi’r albwm llwyddianns Move Through The Dawn yn ddiweddar, yn diddanu cynulleidfa’r Pafiliwn Rhyngwladol gyda chaneuon melodaidd ac ecsentrig yn ogystal â chlasuron gan gynnwys Dreaming of You, Pass it On a In the Morning.

Yno hefyd i ddiddanu’r dorf fydd y band Albanaidd, The Fratellis, wnaeth ruo i mewn i’w hail ddegawd o berfformio gyda’u pumed albwm, In Your Own Sweet Time, yn 2017. Bydd cyfle i glywed senglau mwyaf poblogaidd y triawd, Chelsea Dagger a Whistle For The Choir yn ogystal â chaneuon newydd sbon sy’n gwthio sain y band i gyfeiriadau newydd a bywiog.

(rhagor…)

Telynores Frenhinol yw’r diweddaraf i ymuno â chyfres cyngherddau Eisteddfod Ryngwladol

Cyhoeddwyd gan marketing

I ddathlu bod tocynnau yn mynd ar werth i’r cyhoedd heddiw, dydd Mercher 12fed Rhagfyr am 9 o’r gloch, mae Eisteddfod Gerddorol Ryngwladol Llangollen wedi cyhoeddi mai’r Delynores Frenhinol ac Is Lywydd yr ŵyl, Catrin Finch, yw’r artist diweddaraf i ymuno â chyfres cyngherddau nos 2019.

Fel telynores fyd enwog a chyfansoddwr i Dywysog Cymru, fe adnabyddir Catrin Finch fel un o gerddorion fwyaf amryddawn a llwyddiannus ei chenhedlaeth. Wedi iddi arddangos talent o oed cynnar iawn, fe gafodd y fraint o fod yn Delynores Frenhinol am bedair blynedd cyn diddannu cynulleidfaoedd fel perfformwraig ryngwladol.

(rhagor…)

Eisteddfod Llangollen yn Croesawu’r Nadolig gyda Chyngerdd Carolau

Cyhoeddwyd gan marketing

Fe fydd Eisteddfod Gerddorol Ryngwladol Llangollen yn cynnal cyngerdd carolau, i ddathlu lansio ei gyfres cyngherddau ar gyfer 2019.

Ar ddydd Sul 16eg Rhagfyr, fe fydd talent ifanc leol yn camu i’r llwyfan gan gynnwys y gantores Gymraeg llwyddiannus ac enillydd Unawd Lleisiol 2018, Elan Catrin Parry, fydd yn cyflwyno caneuon o’i halbwm “Angel”. Ymysg y gwesteion arbennig eraill fydd  Julian Gonzales, Llangollen Operatic Young ‘Uns’, Band Ysgol Dinas Brân a Chôr Plant Sir Wrecsam.

(rhagor…)

Jools Holland a Gipsy Kings i serennu yng nghyngherddau Eisteddfod Ryngwladol

Cyhoeddwyd gan marketing

Mae Eisteddfod Gerddorol Ryngwladol Llangollen wedi cyhoeddi lein-yp mawreddog cyngherddau 2019 yr ŵyl.

Fe fydd Is Lywydd ac un o ffefrynnau’r yr ŵyl, Jools Holland, yn diddanu cynulleidfa’r Pafiliwn Brenhinol gyda’i Gerddorfa Rhythm a Blues ar ddydd Llun, Gorffennaf 1af. Y seren jazz, blues a swing fydd yn lansio cyngherddau 2019 gyda noson fythgofiadwy o gerddoriaeth byw, a noddir yn hael gan Kronospan.

(rhagor…)

Eisteddfod Llangollen yn dathlu lleisiau ifanc gyda cherddoriaeth newydd

Cyhoeddwyd gan marketing

Mae un o wyliau cerddoriaeth hynaf Prydain, sydd wedi croesawu corau rhyngwladol am dros 70 mlynedd, wedi comisiynu dau ddarn newydd o gerddoriaeth i adlewyrchu’r nifer cynyddol o gantorion ifanc sy’n dewis bod yn rhan o’i gystadlaethau corawl.

(rhagor…)

Cantores Gymraeg yn syfrdanu yn Awstralia

Cyhoeddwyd gan marketing

Enillydd cystadleuaeth Llais Rhyngwladol Sioe Gerdd 2018 Eisteddfod Gerddorol Ryngwladol Llangollen, Mared Williams, yn teithio i Arfordir Aur Awstralia ar gyfer perfformiad mawreddog. 

Fel rhan o’i gwobr, cafodd Mared Williams, 21, o Lannefydd gyfle i ymuno â channoedd o artistiaid rhagorol eraill yn sioe Musicale, Eisteddfod yr Arfordir Aur. Mae’r sioe yn ddathliad mawreddog o sioeau cerdd ac yn un o uchafbwyntiau’r ŵyl ddawns a cherddoriaeth saith wythnos o hyd yn Awstralia.

Ar ôl hoelio sylw’r gynulleidfa a’r beirniaid gyda’i pherfformiad ar lwyfan y Pafiliwn Brenhinol Rhyngwladol fis Gorffennaf, fe deithiodd Mared dros 10,000 o filltiroedd i Awstralia ar gyfer y perfformiad unwaith mewn oes.

(rhagor…)

O Ogledd Cymru i’r Arfordir Aur i berfformwraig lleol

Cyhoeddwyd gan marketing

Mae perfformwraig o Lannefydd, Gogledd Cymru, a enillodd gystadleuaeth Llais Rhyngwladol Sioe Gerdd yn Eisteddfod Gerddorol Ryngwladol Llangollen 2018, yn paratoi at berfformio yn Arfordir Aur Awstralia ar ddydd Sul 21ain Hydref.

Fel rhan o’i gwobr, fe fydd Mared Williams, 21, yn ymuno â channoedd o berfformwyr eithriadol eraill yn sioe’r Musicale yn Eisteddfod yr Arfordir Aur. Mae’r sioe yn ddathliad bywiog o sioeau cerdd ac yn un o uchafbwyntiau’r ŵyl gerddoriaeth a dawns saith wythnos o hyd.

(rhagor…)

O Bafiliwn Llangollen i Gytundeb Recordio Enfawr

Cyhoeddwyd gan marketing

Mae’r gantores leol, Elan Catrin Parry, yn canu clodydd Eisteddfod Gerddorol Ryngwladol Llangollen am ei helpu i sicrhau cytundeb recordio enfawr gyda’r un label recordio a Katherine Jenkins – gan annog perfformwyr brwd eraill i fod yn rhan o’r ŵyl eleni.

Fe wnaeth y gantores dalentog 16 oed o Wrecsam gyrraedd rowndiau terfynol Eisteddfod Llangollen ddwy flynedd yn ôl ac, yn ogystal â chael marciau llawn gan feirniad yr ŵyl, fe lwyddodd i gael clyweliad gyda’r label recordio Prydeinig, Decca.

(rhagor…)