Archifau Categori: Newyddion

Parêd y Cenhedloedd yn teithio’r rhanbarth

I dorri traddodiad mae Eisteddfod Gerddorol Ryngwladol Llangollen wedi mynd â Pharêd y Cenhedloedd i strydoedd trefi a dinasoedd yn y rhanbarth.

Mae’r parêd sy’n ‘garnifal bywiog o ddiwylliannau’ blynyddol yn cynnwys berfformwyr yn chwifio baneri sy’n cynrychioli eu cenedl. Mae bob amser wedi cael ei gynnal yn nhref unigryw Llangollen, sef cartref yr Ŵyl. Am y tro cyntaf yn hanes yr ŵyl, bu gwirfoddolwyr yn cerdded strydoedd Lerpwl, Caer, Wrecsam a Croesoswallt i ddathlu lansio rhaglen ddyddiol hwyliog yr Eisteddfod Ryngwladol.

(rhagor…)

Perfformio premier byd er cof am Kenneth Bowen mewn Eisteddfod Ryngwladol

I gofio am y tenor Cymraeg Kenneth Bowen, a fu farw’r llynedd, mae Eisteddfod Gerddorol Ryngwladol Llangollen wedi datgelu y bydd yn cynnal premier byd o The Spring of Vision, a gyfansoddwyd gan Gyfarwyddwr Cerdd yr ŵyl a ffrind i Bowen, Dr Edward-Rhys Harry.

Ar nos Fercher 3ydd Gorffennaf, fe fydd y perfformiad yn defnyddio geiriau cerdd  ddramatig Vernon Watkins, sydd o’r un enw, i ddathlu bywyd Bowen – un o gantorion fwyaf disglair ei genhedlaeth. Yno i’w berfformio bydd cast Cymreig, gan gynnwys Shân Cothi (soprano) a Rhodri Prys Jones (tenor), ynghyd â Chorâl Cymry Llundain, Undeb Corawl Lerpwl a Chôr Ieuenctid Wrecsam, i ganu fel un côr mawr.

(rhagor…)

Ceisiadau ar gyfer Gwobr Heddwch Rotary Rhyngwladol yn agor

Mae Gwobr Heddwch Rotary Rhyngwladol, sy’n cydnabod mentrau heddwch ym Mhrydain a ledled y byd, nawr yn derbyn enwebiadau hyd nes Ebrill 30ain 2019.

Mae Eisteddfod Gerddorol Ryngwladol Llangollen yn annog holl aelodau’r gymuned i gyflwyno manylion am unigolion neu gwmnïau sy’n gyfrifol am hyrwyddo heddwch , am gyfle i dderbyn cydnabyddiaeth ryngwladol.

(rhagor…)

GROSVENOR INSURANCE YN HELPU GRWPIAU LLEOL I GAMU AR Y LLWYFAN RHYNGWLADOL

Mae Grosvenor Insurance Services sydd wedi’u lleoli yng Nghaer a yn Wrecsam wedi rhoi rhodd o £5,000 i sicrhau y gellir perfformio menter cynhwysiant cymunedol lleol yn Eisteddfod Gerddorol Ryngwladol Llangollen yr haf hwn.

Mae Prosiect Cynhwysiant yr Ŵyl wedi bod yn rhedeg am ddeng mlynedd, gan helpu i hyrwyddo undod ac amrywiaeth ledled Gogledd Cymru, Swydd Amwythig a Sir Gaer. Bydd cymysgedd amrywiol o grwpiau cymunedol ac anabledd lleol na fyddai eu haelodau sydd ar y cyrion fel arfer yn cael y cyfle i berfformio mewn digwyddiadau rhyngwladol, yn ymarfer gyda’i gilydd dros y misoedd nesaf gan arwain at berfformiad unigryw ar brif lwyfan yr Ŵyl ym mis Gorffennaf.

Bydd Theatretrain Regional Choir o’r Wyddgrug a Derwen on Tour, grŵp perfformio o Goleg Derwen Croesoswallt sy’n defnyddio arwyddion Makaton i helpu plant heb leferydd yn dychwelyd eleni. Y grwpiau newydd yn ymuno â nhw fydd One Love Choir Wrecsam, y mae ei aelodau wedi profi digartrefedd, caethiwed a materion iechyd meddwl, Wrexham Singing Hands o Glwb y Byddar Wrecsam a’r grŵp iechyd meddwl ukelele o Rhyl, Mind Tones.

(rhagor…)

Cyfarwyddwr Cerdd newydd yn galw am unawdwyr talentog

Mae Eisteddfod Gerddorol Ryngwladol Llangollen wedi cyhoeddi mai Dr Edward-Rhys Harry fydd y nawfed cyfarwyddwr cerdd i ymuno â’r ŵyl, fydd yn rhedeg o 1af – 7fed Gorffennaf 2019.

Adnabyddir Edward yn rhyngwladol am ei allu i ysbrydoli trwy bŵer cerddoriaeth a’r celfyddydau creadigol, ac mae nawr yn gobeithio annog y genhedlaeth nesaf o unawdwyr yn Eisteddfod Llangollen 2019.

(rhagor…)

Eisteddfod Llangollen yn dathlu Dydd Gŵyl Dewi gyda Seremoni Arbennig

Fe fydd Eisteddfod Gerddorol Ryngwladol Llangollen yn cynnal digwyddiad Gŵyl Ddewi ar thema ryngwladol ddydd Gwener 1af Mawrth, er mwyn codi arian i gynorthwyo cystadleuwyr o dramor i deithio i’r ŵyl.

Dywedodd Cyfarwyddwr Cerdd yn ŵyl, Dr Edward-Rhys Harry: “Bwriad y digwyddiad Gŵyl Ddewi yw helpu cyllido’r bwrsari sy’n sicrhau ein bod yn medru croesawu cymaint o gystadleuwyr rhyngwladol ac sy’n bosib i Langollen fis Gorffennaf. Mae’n wych gweld perfformwyr lleol mor dalentog yn rhoi eu hamser i gefnogi’r achos.

“Digwyddiad traddodiadol fydd hwn yn bendant, fydd hefyd yn esgus perffaith i ddathlu diwylliant Cymreig ac amrywioldeb rhyngwladol.”

(rhagor…)

Chwilio am sêr canu’r dyfodol

Mae “soprano ifanc, hynod ddawnus” wedi lansio cystadleuaeth i ddarganfod cantorion ifanc mwyaf talentog yn y byd.

Yn ôl Charlotte Hoather, 24 oed, roedd ennill cystadleuaeth fawreddog Llais Rhyngwladol y Dyfodol Pendine yn Eisteddfod Gerddorol Ryngwladol Llangollen y llynedd wedi agor cyfleoedd newydd iddi ar y llwyfan rhyngwladol.

Dywed y trefnwyr bod ceisiadau i gymryd rhan yn y gystadleuaeth eisoes yn llifo i mewn, gyda gwobr o £5,000 i’r enillydd, ynghyd â siec o £2,000 i’r cystadleuydd yn yr ail safle.

(rhagor…)

Llanfest yn Denu Noddwr Dwbl

Mae gŵyl Llanfest, sy’n cloi Eisteddfod Gerddorol Ryngwladol Llangollen, wedi sicrhau cefnogaeth ariannol gan ddau fusnes lleol o Wrecsam ar gyfer y digwyddiad hynod boblogaidd ar ddydd Sul Gorffennaf 7fed 2019.

Y cwmni datblygu tai, SG Estates, ynghyd â Wrecsam Lager fydd cyd-noddwyr Llanfest 2019, lle bydd sêr fel The Fratellis, The Coral, The Pigeon Detectives a Dodgy yn ymddangos yr haf yma.

(rhagor…)

The Fratellis a The Coral i godi to Llanfest 2019

Mae dau fand roc enwog, The Fratellis a The Coral, wedi cyhoeddi mai nhw fydd prif berfformwyr gŵyl Llanfest 2019, sef dathliad olaf Eisteddfod Gerddorol Ryngwladol Llangollen ar ddydd Sul 7fed Gorffennaf yn Llangollen.

Fe fydd y band dylanwadol o Gilgwri, The Coral, wnaeth gyhoeddi’r albwm llwyddianns Move Through The Dawn yn ddiweddar, yn diddanu cynulleidfa’r Pafiliwn Rhyngwladol gyda chaneuon melodaidd ac ecsentrig yn ogystal â chlasuron gan gynnwys Dreaming of You, Pass it On a In the Morning.

Yno hefyd i ddiddanu’r dorf fydd y band Albanaidd, The Fratellis, wnaeth ruo i mewn i’w hail ddegawd o berfformio gyda’u pumed albwm, In Your Own Sweet Time, yn 2017. Bydd cyfle i glywed senglau mwyaf poblogaidd y triawd, Chelsea Dagger a Whistle For The Choir yn ogystal â chaneuon newydd sbon sy’n gwthio sain y band i gyfeiriadau newydd a bywiog.

(rhagor…)

Telynores Frenhinol yw’r diweddaraf i ymuno â chyfres cyngherddau Eisteddfod Ryngwladol

I ddathlu bod tocynnau yn mynd ar werth i’r cyhoedd heddiw, dydd Mercher 12fed Rhagfyr am 9 o’r gloch, mae Eisteddfod Gerddorol Ryngwladol Llangollen wedi cyhoeddi mai’r Delynores Frenhinol ac Is Lywydd yr ŵyl, Catrin Finch, yw’r artist diweddaraf i ymuno â chyfres cyngherddau nos 2019.

Fel telynores fyd enwog a chyfansoddwr i Dywysog Cymru, fe adnabyddir Catrin Finch fel un o gerddorion fwyaf amryddawn a llwyddiannus ei chenhedlaeth. Wedi iddi arddangos talent o oed cynnar iawn, fe gafodd y fraint o fod yn Delynores Frenhinol am bedair blynedd cyn diddannu cynulleidfaoedd fel perfformwraig ryngwladol.

(rhagor…)