EISTEDDFOD YN ANFON NEGES O GYMORTH I FRENIN SIARL III

Cyhoeddwyd gan Dave Danford

Mae Eisteddfod Gerddorol Ryngwladol Llangollen yn anfon ei dymuniadau gorau at Frenin Siarl III ar ôl iddo gael diagnosis o fath o cancr.
Mae Cadeirydd yr Eisteddfod, yr Athro Chris Adams, wedi ysgrifennu at Balas Buckingham gyda neges o gefnogaeth i’r Brenin ar ran yr ŵyl.
Meddai Chris, “Mae’r Brenin Siarl III wedi bod yn gefnogwr enfawr o’n gŵyl heddwch yn Llangollen. Fel Tywysog Cymru bu’n noddwr i ni am 26 mlynedd o 1996. Mae wedi ymweld â Llangollen sawl gwaith, ac wedi hyrwyddo cais Gwobr Heddwch Nobel 2004. Edrychwn ymlaen at ei groesawu eto ar ei adferiad. Dymunwn yn dda iddo, y Frenhines Camilla a’r Teulu Brenhinol wrth iddo wella”.

PARÊD CENHEDLOEDD YR EISTEDDFOD AR 3 GORFFENNAF

Cyhoeddwyd gan Marketing

Mae Eisteddfod Gerddorol Ryngwladol Llangollen wedi cyhoeddi y bydd ‘Parêd y Cenhedloedd’ enwog yn cael ei chynnal yn y dref ddydd Mercher, 3 Gorffennaf am 4.30yp. Gall ymwelwyr ddisgwyl sioe liwgar gan y bydd grwpiau o gyn belled i ffwrdd â Burundi, Canada, Tsieina, Ghana, India, Japan, Malaysia, Moroco, Singapôr, De Affrica, Tansania, Gwlad Thai, Trinidad a Tobago, UDA a Simbabwe yn cymryd rhan – ochr yn ochr â dwsinau o grwpiau o’r DU. 

Daw’r parêd, un o rannau canolog Eisteddfod graidd Llangollen lai na 24 awr ar ôl i Syr Tom Jones wneud ei ymddangosiad cyntaf hir-ddisgwyliedig yn yr ŵyl. Bydd yn cael ei ddilyn gan barti enfawr ar faes yr Eisteddfod, lle gall ymwelwyr fynd ar y maes am bunt! Yna bydd sêr gwerin Cymru, Calan, yn arwain cyngerdd ‘Cymru’n Croesawu’r Byd’ yn y Pafiliwn, gyda Chorws Bechgyn Johns’ Boys, a gyrhaeddodd rownd gynderfynol Britain’s Got Talent a’r Delynores Frenhinol Alis Huws, ochr yn ochr â Cherddorfa Ryngwladol Llangollen.

Dywedodd John Gambles, Is-Gadeirydd yr ŵyl, “Eleni, ein parêd fydd y mwyaf ers blynyddoedd. Mae gennym ni gystadleuwyr rhyngwladol anhygoel o bob rhan o’r byd yn dod i’n tref ym mis Gorffennaf. Mae Parêd y Cenhedloedd yn un o’n digwyddiadau mwyaf poblogaidd ac fe’i dilynir gan ddathliad enfawr ar ein maes wrth i ni wir groesawu’r Byd i Gymru.”

Arweinir y Parêd gan Seindorf Arian Llangollen a Chrïwr Tref Llangollen, Austin “Chem” Cheminais. Yn 2023, aeth miloedd o drigolion i’r strydoedd, ac eleni bydd hyd yn oed mwy o gyfranogwyr a lliwiau. Yn 2024 mae wythnos graidd yr Eisteddfod yn cael ei chynnal rhwng 2-7 Gorffennaf, gyda chyngherddau cyn ac ar ôl yn cynnwys artistiaid mor amrywiol â Jess Glynne, Manic Street Preachers, Madness, a Paloma Faith.

Dave Danford, Cyfarwyddwr Artistig yr ŵyl, fydd yn goruchwylio’r digwyddiad. Meddai, “Eleni, mae proffil ein gŵyl wedi mynd drwy’r to. Mae ein partneriaeth gyda Cuffe & Taylor yn golygu ein bod yr haf hwn yn dod ag artistiaid gwirioneddol ryngwladol i Langollen, megis Bryan Adams, a Nile Rodgers & Chic. Mae wythnos graidd yr Eisteddfod yn parhau i fod yn rhan ganolog o bopeth yr ydym yn ei wneud, a dyna pam ein bod yn dod â’n parêd ymlaen, i’w gynnal ar y diwrnod y byddwn yn croesawu’r Byd i Gymru.”

CROESAWU’R EISTEDDFOD GYDA BLODAU WRTH LANSIO GŴYL Y CENNIN PEDR

Cyhoeddwyd gan Dave Danford

Mae pwyllgor blodau enwog Eisteddfod Gerddorol Ryngwladol Llangollen yn ehangu yn 2024 gyda’u ‘Gŵyl Y Cennin Pedr’ eu hunain.’ Bydd y digwyddiadau yn cael eu cynnal yn Eglwys Sant Collen yn Llangollen o 5-7 Ebrill, a bydd yn cynnwys Cyngerdd Corawl gyda’r nos gyda Chôr Merched Lleisiau’r Afon, dan arweiniad Leigh Mason, yr unawdydd lleol enwog Clare Harrison, ynghyd ag Owen Roberts a pherfformiad Theatr Gerdd gan Shea Ferron. Bydd cyngerdd arbennig ‘Songs of Praise’ hefyd, dan arweiniad Ficer poblogaidd Llangollen, y Tad Lee Taylor.

Bydd yr ŵyl yn codi arian at elusen Eisteddfod Llangollen. Mae’r elusen yn helpu i ddod â channoedd o bobl o bob rhan o’r byd i’n gŵyl heddwch flynyddol. Bydd hefyd yn cynnwys ton o gennin Pedr ac arddangosfeydd blodau, gyda chennin Pedr o bob siâp, maint a deunydd wedi’u crefftio gan y gymuned gan gynnwys ysgolion lleol. Bydd y rhain yn cael eu harddangos yn yr eglwys ac yn Neuadd Gymunedol Sant Collen, a fydd yn cynnal stondinau, gweithdai, lluniaeth, a raffl ddydd Sadwrn, Ebrill 6.

Dywedodd Michelle Davies, Cadeirydd Pwyllgor Blodau Eisteddfod Llangollen, “Mae ein cennin Pedr yn symbol adnabyddus o Gymru ac yn nodwedd annwyl o’n gerddi a’n cefn gwlad. Beth am gynnal gŵyl i anrhydeddu ein hoff flodyn? Rydym wedi bod yn brysur yn paratoi ar gyfer hyn ers misoedd, ac mae ein tîm eisoes wedi plannu cannoedd o fylbiau ar dir ein heglwys hardd o’r 6ed ganrif. Mae gennym 2 gyngerdd bendigedig ar y gweill, i gyd i ddathlu blodyn cenedlaethol Cymru. Bydd yr holl arian a godir yn mynd tuag at elusen Eisteddfod Llangollen i’n helpu i barhau i groesawu’r Byd i Gymru.”

Dechreuodd y traddodiad o addurno prif lwyfan yr Eisteddfod Ryngwladol gyda blodau yn yr ŵyl gyntaf yn 1947, pan roddwyd ychydig o flodau mewn jariau jam i guddio’r polion pebyll oedd yn dal adlen y llwyfan. Dros y 76 mlynedd diwethaf, mae’r traddodiad – ynghyd â faint o flodau – wedi tyfu, gyda’r arddangosfeydd mor eiconig â’r ŵyl ei hun.

Meddai’r Tad Lee Taylor, ficer â gofal Eglwys Sant Collen, Llangollen, “Rydym yn falch iawn o gael cynnal dathliad pwyllgor blodau Eisteddfod Llangollen o’r genhinen Bedr. Mae’r Eisteddfod yn gyfystyr â blodau. Bob blwyddyn, mae ein tref yn croesawu cystadleuwyr o bob rhan o’r byd i berfformio ar lwyfan wedi’i addurno’n ysblennydd â blodau. Yn ogystal â bod yn symbol o Gymru, mae cennin Pedr yn symbol o ddechreuad newydd, felly rydym yn falch iawn o groesawu gŵyl gyntaf erioed Llangollen i ddathlu cennin Pedr.”

SIMPLE MINDS Y PRIF ARTISTIAID OLAF I’W CYHOEDDI AR 2024

Cyhoeddwyd gan Dave Danford

Mae’r eiconau roc byd-eang Simple Minds yn dod i Ogledd Cymru ar gyfer sioe fawr ym Mhafiliwn Llangollen.

Yr Albanwyr anhygoel yw’r act fawr olaf i’w chyhoeddi ar gyfer Eisteddfod Gerddorol Ryngwladol Llangollen 2024 a byddant yn perfformio yn y lleoliad nos Fercher 19 Mehefin. Yn ymuno â nhw ar y noson fydd eu gwesteion arbennig Del Amitri.

Bydd tocynnau ar gyfer y sioe fythgofiadwy hon yn mynd ar werth am 9yb ddydd Gwener (Ionawr 26) o llangollen.net a www.ticketmaster.co.uk

Simple Minds yw un o’r bandiau mwyaf llwyddiannus i ddod o’r DU erioed, gan werthu mwy na 60 miliwn o recordiau ledled y byd a’u senglau wedi cyrraedd rhif un ar y ddwy ochr i Fôr yr Iwerydd. (rhagor…)

Lansio “Yn Fyw Yn Llangollen” i Gefnogi’r Eisteddfod!

Cyhoeddwyd gan nfys23

Bydd trefnwyr Eisteddfod Gerddorol Ryngwladol Llangollen yn cynnal nifer o gigs yn Neuadd y Dref Llangollen i godi arian i gefnogi eu Heisteddfod. Mae’r gigs, a gynhelir yn fisol yn Neuadd y Dref Llangollen yn cynnwys artistiaid teyrnged i ABBA, Robbie Williams, Pink Floyd, Slade yn ogystal â’r Merseybeats gwreiddiol, a berfformiodd gyda’r Beatles yn y 1960au. (rhagor…)

MAE DAVE, GWEITHIWR PROFFESIYNOL YN Y DIWYDIANT CERDDORIAETH, YN YMHYFRYDU YN YR HER O FOD YN GYFARWYDDWR ARTISTIG NEWYDD EISTEDDFOD GERDDOROL RYNGWLADOL LLANGOLLEN

Cyhoeddwyd gan Dave Danford

Mae gweithiwr proffesiynol blaenllaw yn y diwydiant cerddoriaeth sydd wedi gweithio gyda rhai o enwau mwyaf y busnes wedi’i benodi’n Gyfarwyddwr Artistig newydd Eisteddfod Gerddorol Ryngwladol Llangollen.

Yn 39 oed, mae Dave Danford eisoes wedi bod â chysylltiad degawd o hyd â’r ŵyl eiconig ac wedi camu i’r rôl allweddol ar ôl nifer o flynyddoedd fel ei Rheolwr Cynhyrchu.

Mae’n “hynod gyffrous” am ei benodiad, sydd newydd gael ei gyhoeddi gan fwrdd ymddiriedolaeth yr Eisteddfod. Ariennir y penodiad drwy Gyngor Celfyddydau Cymru.

Ac mae’n dweud ei fod yn ymhyfrydu yn yr her o oruchwylio pob agwedd gerddorol o’r ŵyl, o gyngherddau mawr yn cynnwys sêr mor amrywiol â Syr Tom Jones a’r Manic Street Preachers cyn ac yn ystod wythnos graidd yr ŵyl o 2-7 Gorffennaf, i’w rhaglen unigryw o gystadlaethau o safon ryngwladol. (rhagor…)

MENYW DDAETH YN ADNABYDDUS FEL WYNEB GOGLEDD CYMRU PAN ENILLODD YN EISTEDDFOD LLANGOLLEN YN EI HARDDEGAU’N DAL I DDYCHWELYD BOB BLWYDDYN

Cyhoeddwyd gan Dave Danford

Mae menyw a ddaeth yn adnabyddus fel “wyneb gogledd Cymru” ar ôl iddi ennill cystadleuaeth ganu bron i 70 mlynedd yn ôl yn Eisteddfod Gerddorol Genedlaethol Llangollen yn dal i ddychwelyd yno bob blwyddyn fel gwirfoddolwr. Pan oedd yn ei harddegau, teithiodd Myron Lloyd o’i chartref yn Sir Benfro i gystadlu yn y categori Unawd Cân Werin yn Eisteddfod 1956. Daeth yn fuddugol.

Oherwydd ei llwyddiant, tynnwyd llun o Myron – oedd â’r cyfenw Williams bryd hynny am ei bod yn ddibriod – gan nifer o ddynion camera wrth iddi ddathlu allan ar y cae. Yn ddiweddarach, pan oedd hi yn ôl yn ne Cymru, cafodd y ferch i ffermwr, sydd yn awr yn ei 80au, syndod o weld y llun hwnnw ohoni a dynnwyd ar y diwrnod yn dechrau ymddangos ar amrywiaeth o nwyddau gwerthu oedd yn hysbysebu Gogledd Cymru. Roedd hi’n gwisgo gwisg Gymreig draddodiadol, yr het ddu a’r siôl, ac aeth y llun yn firol, neu mor agos ag y gellid i hynny yn yr 1950au.’’ (rhagor…)

CYHOEDDI TOM JONES, GREGORY PORTER a KATHERINE JENKINS OBE AR GYFER WYTHNOS GRAIDD EISTEDDFOD GERDDOROL RYNGWLADOL LLANGOLLEN

Cyhoeddwyd gan Marketing

Dydd Mawrth 2il – Dydd Sul 7fed Gorffennaf 2024

 

TOCYNNAU AR WERTH O 9AM DYDD GWENER RHAGFYR 8fed YMA

Bydd yr eiconau o Gymru Tom Jones a Katherine Jenkins a’r artist rhyngwladol hynod boblogaidd Gregory Porter oll yn perfformio mewn prif gyngherddau yn ystod wythnos graidd Eisteddfod Gerddorol Ryngwladol Llangollen 2024.

 

Wrth i restr lawn y digwyddiadau gael ei chyhoeddi heddiw, datgelir y bydd yr eicon cerddorol Tom Jones yn cyflwyno cyngerdd agoriadol wythnos graidd yr Eisteddfod ym Mhafiliwn Llangollen ar ddydd Mawrth Gorffennaf 2il, gan gychwyn chwe diwrnod o gyngherddau gyda’r nos, gyda’r mezzo-soprano Katherine Jenkins yn cau’r wythnos ar Ddydd Sul 7fed.

 

Rhwng y dyddiadau hyn gall y cynulleidfaoedd fwynhau amrywiaeth enfawr o ddigwyddiadau gyda’r nos, yn cynnwys y band gwerin arobryn Calan, y delynores frenhinol Alis Huws, ffefrynnau Britain’s Got Talent John’s Boys Male Chorus, sêr y West End a Broadway Kerry Ellis a John-Owen Jones, a’r seren jazz sydd wedi ennill gwobr GRAMMY ddwy waith, Gregory Porter.

 

Mae’r tocynnau’n mynd ar werth am 9am Ddydd Gwener Rhagfyr 8 o llangollen.net

(rhagor…)

EISTEDDFOD I DDOD A CHYMUNED LLANGOLLEN GYDA’I GILYDD ETO

Cyhoeddwyd gan Marketing

Bydd Eisteddfod Gerddorol Ryngwladol Llangollen yn cynnal cyfarfod cymunedol arall ddydd Llun 4 Rhagfyr 2023 yn Neuadd Gymunedol Sant Collen am 7yp. Mi fydd y sesiwn hybrid yn gyfle i ddarparu’r wybodaeth ddiweddaraf am raglen cyngherddau 2024, ateb cwestiynau am eu cynlluniau ar gyfer yr haf nesaf, ac i wahodd trigolion i ymuno â’r tîm cynyddol o wirfoddolwyr.

Cynhelir y cyfarfod cymunedol ar yr un diwrnod ag y bydd yr Eisteddfod yn cyhoeddi ei chyngherddau nos ar gyfer wythnos sylfaenol yr Eisteddfod, a gynhelir o ddydd Mawrth 2 tan ddydd Sul 7 Gorffennaf 2024. Mae’r Eisteddfod wedi bod yn un o uchafbwyntiau calendr diwylliannol prysur Gymru ers iddi gael ei lansio yn 1947 i hyrwyddo heddwch trwy gân a dawns. (rhagor…)